SMS Pahayag
May 22, 2010
Walang katotohanan ang paratang ni Judge Manuel Contreras ng Naga City na isang aktibong kasapi ng BHB ang isa sa mga suspek na pumatay sa isang Indian national noong Marso 30. Malisyosong iniuugnay ni Judge Contreras at ng NBI ang BHB sa madugong away ng mga sindikatong kriminal ng mga Indian national na pinaniniwalaan ng marami na may kaugnayan sa iligal na droga.
Batid ng lahat na mahigpit na nilalabanan at sinusugpo ng rebolusyunaryong kilusan ang mga sindikatong kriminal na sangkot sa iligal na droga at iba pang anti-sosyal na aktibidad upang protektahan ang mamamayan lalo na ang mga kabataan. Madalas na kasabwat ng sindikato ng droga ang ilang bulok na upisyal ng AFP, PNP at burukrasyang sibil.
Paiimbestigahan ng Romulo Jallores Command ang tunay na pagkatao ni Roniel Rodriguez y Gonzales alyas Tomas/Romnik at ang mga sangkot at utak sa sindikato ng iligal na droga sa rehiyong Bikol. Kapag may sapat na batayan, maaari silang arestuhin ng BHB upang iharap sa paglilitis ng Hukumang Bayan.
Ka Greg Bañares
Tagapagsalita, NDF-Bicol
email: greg_banares@yahoo.com
gb_ndfbicol@yahoo.com
NDF Bicol Region 