Nobyembre 13_ Alas 3:00 ng hapon, hinaras ang detatsment ng Delta Coy sa Brgy Paguihaman sa bayan ng Uson.

Bago nito, alas 4:30 ng madaling araw nang tinangkang kubkubin ng isang platun ng 9th IB ang isang yunit ng BHB sa sityo one A, Brgy Matagbak sa bayan ng Milagros, ngunit mahusay na nakapanlaban ang mga pulang mandirigma. Sugatan ang dalawang elemento ng Philippine Army. Magiting na nakipagpalitan ng putok ang isang team ng BHB upang ligtas na makapagmaniobra ang kanilang mga kasamahan. Walang kaswalti sa hanay ng BHB, bagamat naiwan sa pinangyarihan ang ilang kagamitan.

Oktubre 24 ng gabi _ Inatake ng BHB ang headquarters ng Charlie coy ng 9th IB sa
sa Brgy Pawican sa bayan ng Cataingan. Apat na militar ang namatay.

Oktubre 25 _ Alas 7:00 ng umaga, pinaputukan ng BHB ang military vehicle ng Charlie coy sa Sigsag sa poblacion ng Palanas. Tatlo ang sugatan sa militar.

Ang nabanggit na tropa ng Charlie Coy ay nagsasagawa ng CMO operations, naglunsad sila ng sunud-sunod na seminar sa mga estudyante sa high school, na siyang pinu-pokusan nila sa recruitment ng dagdag na tropa ng AFP sa isla ng Masbate.

Oktubre 15 – Alas-12:00 ng hatinggabi, nireyd ng BHB ang detatsment sa Crossing, Brgy Pasig sa bayan ng Claveria. Namatay si Sgt Cioco, at nasugatan ang apat na elemento ng Philippine Army at CAFGU.

Oktubre 8 – Alas 7:00 ng umaga, inambus ng isang team ng BHB ang dalawang elemento ng military intel na sina Junie Mitra at Rodolfo Belsa sa sityo Dao, Brgy canares sa bayan ng Batuan na nasa isla ng Ticao. Nasamsam kay Mitra ang isang kalibre 45, dalawang magasin at mga bala, at nasamsam naman kay Belsa ang mga intel documents.

Nililinaw ng Jose Rapsing Command ng BHB-Masbate na hindi target ng kanilang mga taktikal na opensiba ang mga empleyado at personahe ng Department of Health (DOH) at iba pang civilian-government agencies. Hinihikay ng rebolusyonaryong kilusan ang mga doktor at medical personnel na maghatid ng serbisyo sa mamamayan sa malalayong lugar, ngunit pinapaalalahan silang huwag sumabay sa mga militar, at huwag sumakay sa mga military vehicles upang hindi sila malagay sa panganib. Huwag silang magpapagamit sa mapanlinlang na CMO operations ng AFP sa ilalim ng Oplan Bayanihan.

Partikular sa pangyayari noong Oktubre 6 sa Brgy Sto Nino sa bayan ng Monreal,
ang target lamang ng BHB ay ang mga armadong elemento na nagsagawa ng combined CMO operations ng Regional Mobile Group (RMG) at PNP Monreal na papunta sa Brgy Tiguron.
Pinaputukan ng BHB ang mga elemento ng RMG na nakasakay sa bangka, malapit sa Brgy Sto Nino. Dalawang elemento ng RMG ang nasugatan.

Hindi target ng BHB ang mga doktor ng DOH. Nakasakay sila sa hiwalay na mga bangka at malayo ang distansya nila sa mga bangka ng RMG na selektibong pinaputukan ng BHB.

Luis Jalandoni
Chairperson
NDF-Negotiating Panel
October 31, 2011

In response to the statement of the Government of the Philippines (GPH) Negotiating Panel, dated 21 October 2011 but sent out only on 24 October 2011, the National Democratic Front of the Philippines (NDFP) Negotiating Panel states the following:

The release of the 13 NDFP Consultants and JASIG (Joint Agreement on Safety and Immunity Guarantees) protected persons who are now in the custody of the GPH is an obligation of the GPH in compliance with the JASIG. It is not a precondition that is unilaterally imposed by the NDFP. And neither is it a mere confidence-building measure that is one-sidedly subject to the arbitrary exercise and abuse of discretion of the GPH. The unlawful arrest, detention and prosecution of these JASIG-protected persons are blatant violations of the JASIG, the Comprehensive Agreement on Respect for Human Rights and International Humanitarian Law (CARHRIHL), and the laws of the GPH itself. Their immediate release is being demanded by the NDFP as a matter of legal right, to uphold justice and the rule of law.

Encrypted photos are legitimate photos. Encryption is a legally and universally accepted practice in business, political and diplomatic relations designed to ensure security, privacy rights, trade, diplomatic and state secrets. In consonance with this reality, the position of the NDFP on the reconstitution of the list of NDFP holders of Documents of Identification is quite appropriate. This has been repeatedly stated to the GPH Panel Chair, but he purposely ignores it and continues to insist on “hard photos”.

The failure to decrypt the encrypted photos is attributable to the raids of the Dutch police in their futile attempt to file a trumped up charge against Prof. Jose Maria Sison, the NDFP Chief Political Consultant. The Arroyo regime colluded with the Dutch government and the USA in fabricating the false criminal case. The Dutch police corrupted and disabled the diskettes needed for decryption. The trumped up charge was dismissed by the Dutch Court.

The NDFP Negotiating Panel has made the reasonable proposal to reconstruct the JASIG list to take into account those holders who have died or those who no longer have functions in the GPH-NDFP peace negotiations. There is also a need to replace damaged or lost documents of identification. The reconstruction is already being undertaken and will be completed next month. The reconstructed list with encrypted photos can be deposited in the designated safety deposit box. This issue is easily resolvable and cannot be cited by the GPH Negotiating Panel as a cause of delay in the peace negotiations.

The refusal of the GPH to comply with its obligation is the immediate major obstacle to the continuation of the peace negotiations.
Undermining by the GPH of previous bilateral agreements:

There is however a more serious threat to the GPH-NDFP peace negotiations and to the twelve bilateral agreements. It is the undermining of the past agreements by the GPH.
The Hague Joint Declaration

With Presidential Adviser on the Peace Process Teresita Deles present, the GPH Panel pretended to reaffirm the 12 bilateral agreements in February 2011 but declared in its “qualifications” that “The Hague Joint Declaration is only a means to an end and was never meant to be a document of perpetual division between the parties.”

This claim of the GPH Panel contradicts the fact that subsequent bilateral agreements affirmed The Hague Joint Declaration as the foundation document. Moreover, in the Joint Statement of 9 March 2001, it is stated: “The Parties uphold and affirm the validity and binding character of the ten bilateral agreements (Annex A hereof) that were entered into between them from 1 September 1992 to 7 August 1998 as the framework and foundation for the resumption of the peace negotiations.”

The GPH Panel’s citing of the Breukelen Joint Statement to question The Hague Joint Declaration is a misreading of the document. It fails to cite that at the very beginning of the document it is stipulated “The GRP and the NDF reaffirmed their adherence to The Hague Declaration.” Part II no. 8 of the aforesaid joint statement does provide for further discussion “that will lead to agreements in order to realize the objectives of The Hague Declaration.”

To cite this in order to undermine The Hague Joint Declaration and to put under question such clear provisions as “The holding of peace negotiations must be in accordance with mutually acceptable principles, including national sovereignty, democracy and social justice and no precondition shall be made to negate the inherent character and purpose of the peace negotiations” is indeed seeking to destroy the framework and foundation of the peace negotiations.
The JASIG and the CARHRIHL

Without comprehending the essence and full scope of the JASIG, the GPH Panel Chair Alexander Padilla ignores the fact that releases of NDFP Consultants have been carried out without the “further verification” of opening the safety deposit box. He fails to see that those who are consulted by NDFP Panelists are covered by JASIG protection, while on the way to, during the consultation, or on the way from the consultations, and those publicly known to have participated or are participating in the peace negotiations. He does not see the essence of JASIG as a reciprocal guarantee of safety to all participants of both Parties in the peace negotiations. Moreover, he wants issues concerning the JASIG and the CARHRIHL to be considered unsubstantial, side-line issues to be put on a side-table discussion. He considers compliance with JASIG and the CARHRIHL as a mere confidence-building measure subject to the arbitrary exercise and abuse of discretion of the GPH.

All peace advocates in the Philippines and abroad should take note of these serious threats to the peace negotiations. Agreements on the rest of the substantive agenda of the peace negotiations, namely, social and economic reforms, political and constitutional reforms, and end of hostilities and disposition of forces, have no chance of being attained if The Hague Joint Declaration, the JASIG and CARHRIHL are undermined and attacked by the GPH.

Such undermining is the strongest evidence that the Aquino regime, Secretary Deles and GPH Panel Chair Padilla have no desire or intention to engage in serious peace negotiations to address the roots of the armed conflict. They merely want rumors of peace talks as part of the counterinsurgency plan, cosmetically called Oplan Bayanihan, following the US Government Counterinsurgency Guide.

Pahayag sa Media
26 Setyembre 2011

Patuloy na binibigwasan ng malaganap na mga taktikal na opensiba ng Bagong Hukbong Bayan ang Oplan Bayanihan (OPB) ng rehimeng US-Aquino sa rehiyon. Ito ang makatarungang tugon ng rebolusyonaryong kilusan sa kahilingan ng mamamayan na parusahan ang rehimeng US-Aquino sa walang lubay na pagpapahirap at panlilinlang sa mamamayan habang walang puknat ang paninibasib ng malupit na operasyong militar at civil-military operation (CMO) ng 9th Infantry Division ng Philippine Army (9th IDPA) at Philippine National Police (PNP) sa kanayunan.

Sa natipong ulat ng NDF-Bicol Information Office umabot sa 31 ang kumpirmadong kaswalti sa AFP at PNP sa 14 na labanang naiulat mula Agosto 15 hanggang Setyembre 23. Sa kabuuang bilang ng kaswalti, 5 ang patay at 18 ang sugatan sa 9th IDPA habang 8 ang sugatan sa PNP.

Narito ang listahan ng mga labanang naganap sa rehiyon:

1. Bago mag-hatinggabi ng Setyembre 23, inatake ng isang iskwad ng Celso Minguez Command ng BHB-Sorsogon ang istasyon ng pulisya sa bayan ng Barcelona. Sugatan ang tatlong pulis na sina PO2 Joel Encinares, PO2 Jessie Dolueras, at PO1 Escreza.

2. Noong Setyembre 22 bandang alas-sais ng umaga magiting na binigo ng isang platun ng Celso Minguez Command ang patraydor na pag-atake ng mga tropa ng 93rd Division Reconnaissance Company (DRC) at 903rd Brigade sa Bgy. Bacalon, Magallanes, Sorsogon. Ayon sa mga residente ng lugar, namatay ang isang sundalo at sugatan ang di-bababa sa tatlong iba pa na dinala sa isang ospital sa bayan ng Casiguran, Sorsogon. Gabi pa lamang ng Setyembre 21, habang umiiral ang pekeng suspension of offensive military operations (SOMO) ng AFP, ay pumasok na ito sa lugar at pumusisyon sa mabundok na bahagi ng Bgy. Bacalon.

Bandang alas-8:30 ng umaga ay inambus ng isang iskwad ng Celso Minguez Command ang isang KM450 trak na puno ng sundalo ng 49th Infantry Battalion na susuporta sa mga tropa ng 93rd DRC sa Bgy. Bacalon, Magallanes. Pinasabugan ito ng command-detonated landmine pagdating ng Bgy. Cadandanan, Bulan, Sorsogon. Wasak ang sasakyan at namatay ang dalawang sundalo at sugatan ang anim na iba pa. Isinakay sa mga ambulansya ang mga kaswalti ng militar at dinala sa isang ospital sa bayan ng Irosin, Sorsogon. Sumaklolo rin ang dalawang helikopter ng AFP at kinuha ang kanilang mga sugatan.

3. Noong Setyembre 22 at 23 ay hinaras naman ng mga pulang mandirigma ng Santos Binamera Command ng BHB-Albay ang nag-ooperasyong militar na nagpapanggap na “community peace and development team” (CPDT) sa mga barangay ng Bololo at Batbat sa bayan ng Guinobatan.

4. Binigo naman ng isang platun ng BHB ang pag-atake ng 49th Infantry Battalion sa Bgy. Bogtong, Barcelona, Sorsogon noong Setyembre 17. Pinasabugan ito ng command-detonated landmine habang papalapit sa pusisyon ng mga pulang mandirigma. Namatay ang isang sundalo at sugatan ang isa pa.

5. Inambus ng mga pulang mandirigma sa ilalim ng Armando Catapia Command ng BHB-Camarines Norte ang mga sundalo ng 92nd Division Reconnaissance Company (DRC) noong Setyembre 15 sa Bgy. Malangkaw Basud, Labo. Galing sa isang operasyong militar ang mga sundalo at pauwi na sa kanilang kampo nang tambangan ng mga pulang mandirigma. Sugatan ang limang sundalo na nakilalang sina Pfc. Marlon Gastillo, Pfc. Mark Anthony Villaruel, Pfc. Jenear Bitagara, Pfc. Larry Joshua Magalona at isa pang di pinangalanang sundalo.

6. Inambus ng isang yunit ng Santos Binamera Command ng BHB-Albay ang tatlong sundalo ng 2nd Infantry Battalion na sakay ng dalawang motorsiklo sa Bgy. Maninila, Camalig, Albay noong Setyembre 6. Nasamsam ng mga pulang mandirigma ang isang ripleng M-16 sa nasawing si Cpl. Narito na kumander ng detatsment ng 2nd IB sa Bgy. Taplacon, Camalig.

7. Hinaras naman ng isang iskwad sa ilalim ng Celso Minguez Command ng BHB-Sorsogon ang nag-ooperasyong tropa ng 49th Infantry Battalion sa Bgy. Mapaso, Irosin noong Setyembre 5.

8. Noong Setyembre 3 ng madaling araw, inambus ng mga pulang mandirigma ng Nerissa San Juan Command ng BHB-Catanduanes ang mga pulis sa Bgy. Mabini, Caramoran. Sugatan ang Deputy Chief of Police ng Caramoran Municipal Police Station na si Inspector Rene Bea at apat pa nitong kasamahang pulis.

9. Tatlong sundalo ng 7th Scout Ranger Company ang sugatan nang tambangan ng mga pulang mandirigma ng Santos Binamera Command ng BHB-Albay sa Bgy. Morera, Guinobatan noong Agosto 31 ng umaga. Kinilala ang mga sugatang sundalo na sina Sgt. Rolly Intan, Pfc. Jaya Disamparado, at Pfc. Jerwin Armejo. Pauwi na sa kanilang kampo sa Pili, Camarines Sur ang mga sundalo galing sa isang operasyong militar sa probinsya ng Sorsogon nang paputukan ng mga pulang mandirigma malapit sa sentrong bayan ng Guinobatan.

Bago nito, sunud-sunod na hinaras at inisnayp ng mga pulang mandirigma ang berdugong tropa ng 2nd Infantry Battalion na nagpapanggap na “community peace and development team” (CPDT) at naglulunsad ng panghaharas, pananakot, pambubugbog at iba pang kalupitan sa mamamayan ng 11 barangay ng Guinobatan, Albay.

Walang namatay o kaya’y malubhang nasugatan sa panig ng mga pulang mandirigma sa naturang mga labanan. Ipinapakita nito ang determinadong pagtataas ng kahandaan, disiplina at kakayahang militar ng mga pulang mandirigma, mahusay na koordinasyon at suportahan ng mga larangang gerilya sa iba’t ibang probinsya, at ang malawak at malalim na suportang masa. Mas malalaki pang tagumpay sa larangan ng armadong pakikibaka ang tiyak na matatamo ng BHB habang puspusang ginagampanan ang lahatang-panig na pagpapalakas na nakatanaw sa pag-igpaw tungo sa estratehikong pagkapatas sa susunod na limang taon.

Gregorio “Ka Greg” Bañares
Tagapagsalita ng NDF-Bicol

email: greg_banares@yahoo.com/
ndfbicol@gmail.com

website: www.ndfbicol.wordpress.com
twitter account: www.twitter.com/ndfbicol
facebook account: greg banares

Pahayag sa Midya
Agosto 23, 2011

Mamamayang Albayanos, Sumisigaw ng Hustisya dahil sa nagpapatuloy na abusong militar dulot ng Community Peace and Development Operation Team ng AFP

Mariing kinukundena ng SBC–BHB Albay ang walang habas na panghahalimaw sa mamamayang Albayanos ng 2nd IB, PA, sa pamumuno ni Lt. Col. John V. Oberio at ni Col. Arthur P. Ang, CO ng 901st Brigade.

Hindi na kinakayang itago ng pagpapanggap na “kapayapaan at kaunlaran” ang hatid ng Oplan Bayanihan ni Aquino. Pilit na pinagtatakpan ng mga upisyal militar sa paglulubid ng
kasinungalingan, ang karahasan at pagyurak sa karapatang pantao dulot ng inilulunsad nilang Community Peace and Development Operation Team (CPDT) o dating SOT. Sa loob lamang ng isang buwan, umabot na sa mahigit 60 katao ang naging biktima ng iba’t ibang porma ng paglabag sa karapatang-pantao sa 11 barangay ng Guinobatan na nilulunsaran ng CPDT.

Tahasang nilalabag ng militar ang mga batas ng digma sa paggamit ng mga pampublikong pasilidad tulad ng barangay hall, eskwelahan, simbahan at iba pa bilang himpilan. At maging ang paggamit sa mga menor de edad bilang pananggalang o “human shield”. Tampok ang sumusunod na mga kaso:
- Sina Ogie Maritana at Jay-R Obniala parehong 12 taong gulang ng barangay Ongo ay isinasama ng militar na pinamumunuan ni Cpl. Pagarang sa pangangahoy at iginigiya papunta sa paradahan ng motor/“habal-habal”.
- Si Leo Opena, 15 taong gulang na taga barangay Balite ay ginawang giya sa pamamalengke ng mga militar sa pamumuno ni Sgt. Mara?o.

Patuloy din na nilalapastangan ng mga militar ang batayang karapatan ng mamamayan. Araw-araw ay walang patid ang pagdami ng mga kaso ng paglabag sa mga batayang karapatan kabilang ang:
- sapilitang pagpapatrabaho sa mga residente upang itayo ang mga kubo ng militar,
- mga pananakot, pagbabanta at pagbibintang sa sibilyan na myembro daw ng NPA.
- Habang iniinteroga ng militar, walang kasabay na kapamilya o barangay upisyal sa

loob ng baryo hall, para lamang makakuha ng impormasyon na ididiin mismo sa biktima,
- sapilitang paglitrato at pagpapapirma sa blangkong papel,
- pagpaparonda at pagpa-duty sa mga residente malapit sa himpilan ng militar,
- pagsensus at pagbabahay-bahay.

Nagkabulol-bulol si Col. Arthur Ang, 901st Brigade Commander, sa paglulubid ng kasinungalingan upang pagtakpan ang mga tauhan ng 2nd IB, PA, sa halip na paimbestigahan ang mga ito. Nakakabahala ang pag-aakusa ni Col. Ang na NPA ang nasa likod ng pagrereklamo ng mga biktimang sibilyan at kung gayon ay malisyosong pinaparatangang muli ni Col. Ang na diumano’y “NPA supporters” ang mga inosenteng sibilyang nilabag nila ang karapatang-tao. Pinagtatakpan ng 2nd IB ang kanilang mga paglabag sa karapatang-pantao at mabangis na operasyong CPDT sa pagkukunwaring disaster-related o relief operation, ang kanilang pakay. Katawa-tawa pang banggitin ni Col. Ang na nagpo-promote sila ng human rights, gayong ang mga residente ng 11 baranggay ng Guinobatan ang magpapatunay ng kabaliktaran nito.

Hinihikayat ng SBC-BHB Albay ang mga biktima ng paglabag sa karapatang pantao na lumantad at magsampa ng kaso laban sa mga upisyal at tauhan ng militar na tahasang lumalapastangan sa kanilang karapatang pantao. Ang mga kaso ng paglabag na isasampa sa Hukumang Bayan ng Demokratikong Gubyernong Bayan ay lilitisin, at parurusahan ang mga napatunayang tagalabag ng karapatang pantao. Hinihikayat din ng SBC-BHB Albay ang independyenteng mga grupo o indibidwal na nagtataguyod sa karapatang-tao na suportahan ang mga biktima.

Ipagpapatuloy ng Bagong Hukbong Bayan ang paglulunsad ng mga taktikal na opensiba laban sa mga abusadong tropa ng 2nd IB, PA bilang tugon sa kahilingan ng mamamayan para sa pagkakamit ng hustisya.

Para sa Bayan,
Florante Orobia
Tagapagsalita BHB-Albay

Pahayag sa Media
Agosto 15, 2011

Matagumpay na mga Taktikal na Opensiba sa Masbate at Iba pang Probinsya

Matagumpay na binigwasan ng malaganap na mga taktikal na opensiba ng Bagong Hukbong Bayan sa rehiyon ang mga tropa ng 9th Infantry Division Philippine Army (9th IDPA) at Philippine National Police (PNP) na masugid sa paglulunsad ng kontra-rebolusyonaryong kampanyang Oplan Bayanihan (OPB).

Koordinado at sunud-sunod na mga pag-atake ang isinagawa ng mga pulang mandirigma sa mga probinsya ng Masbate, Sorsogon, Albay at Camarines Sur nitong Agosto 13 at 14 na nagresulta sa maraming kaswalti sa panig ng pasistang AFP at PNP. Pinakamalawak at pinakamatindi ang bigwas na tinamo ng mga tropa ng 9th Infantry Battalion Philippine Army (9th IBPA), Special Action Force (SAF-PNP), 506 PNP Provincial Mobile Group (PMG), at iba pang tropa ng PNP sa probinsya ng Masbate.

Pinagsanib na mga yunit ng BHB mula sa loob at labas ng probinsya ng Masbate ang nagsagawa ng sunud-sunod na pag-atake sa Mobo Municipal Police Station bandang alas-2:30 ng umaga nitong Agosto 14 at pag-ambus sa mga tropa ng 9th IBPA at SAF-PNP na nagtangkang sumaklolo sa himpilan ng pulisya ng Mobo.

Inambus ng mga pulang mandirigma ang tropa ng 9th IBPA na galing sa himpilan ng batalyon sa Sityo Baclay, Bgy. Bacolod, Milagros. Pinasabugan ng command detonated landmine ang sinasakyan nitong trak pagsapit sa Bgy. Mayngaran, Masbate City na nagresulta sa pagkamatay ng apat na sundalo (dalawa ang agad na namatay habang ang dalawa pa ay namatay sa Masbate College Hospital) at pagkakasugat ng marami pang iba.

Nagtangka ring sumaklolo ang mga tropa ng 506 PNP-PMG na galing sa Masbate City na katabi lang ng bayan ng Mobo ngunit inambus din ito ng mga pulang mandirigma pagsapit sa Bgy. Tugbo, Mobo. Napilitan itong bumalik sa Masbate City bitbit ang kanilang mga sugatan.

Hindi rin nakasaklolo ang mga tropa ng Special Action Force ng PNP na nakabase sa Bgy. Lalaguna, Mobo at ang mga tropa ng Bravo Company ng 9th IBPA sa Bgy. Armenia, Uson nang harangin at paputukan din sila ng mga pulang mandirigma.

Naglunsad rin ng mga pag-atake ang mga pulang mandirigma sa iba pang mga probinsya ng Bikol. Hinaras nila ang detatsment ng 22nd IBPA at CAFGU sa Bgy. Alanao, Lupi, Camarines Sur nitong Agosto 14 ng madaling araw, at ang detatsment ng 22nd IBPA at CAFGU sa Bgy. Mayon, Castilla, Sorsogon. Pinarusahan naman sa Albay ang masugid na asset ng militar na si Benedicto Lea noong Agosto 13 sa Bgy. Caguiba, Camalig.

Mainit na tinanggap ng malawak na mamamayan sa mga kanayunan at kalunsuran ng Bikol ang matutunog na taktikal na opensiba ng kanilang pinakamamahal na hukbo na determinadong isulong ang rebolusyonaryong armadong pakikibaka sa mataas na yugto ng estratehikong pagkapatas upang wakasan ang daan-taong pagsasamantala at pang-aapi sa mamamayan at kamtin ang tunay na pambansang kalayaan, demokrasya at kaunlaran ng bayan sa hinaharap.

Gregorio “Ka Greg” Bañares
Tagapagsalita ng NDF-Bicol

email: greg_banares@yahoo.com
ndfbicol@gmail.com

website:www.ndfbicol.wordpress.com
www.ndfbicol.multiply.com

twitter account: www.twitter.com/ndfbicol
facebook account: greg banares

Pahayag sa Media
Agosto 15, 2011

MUNISIPYO AT ISTASYON NG PULISYA SA MOBO, MASBATE
NIREYD NG BAGONG HUKBONG BAYAN

Nireyd ng mga pulang mandirigma ng Bagong Hukbong Bayan (BHB) ang munisipyo at istasyon ng pulisya ng bayan ng Mobo, Masbate nitong Agosto 14 ng madaling araw.
Sugatan ang tatlong pulis na kinilalang sina SPO1 Arturo Mendoza, PO1 Judy Villamor, at PO1 Marvin Marcellana.

Ayon sa Jose Rapsing Command ng BHB-Masbate isinagawa ang pag-atake bilang tugon sa makatarungang kahilingan ng mamamayan sa lugar na papanagutin si Mayor Percival Castillo sa kanyang kontra-mamamayang mga proyekto at masugid na paglahok nito at ng lokal na pulisya ng Mobo sa kontra-rebolusyonaryong kampanya ng AFP at PNP.

Kabilang sa mga kontra-mamamayang proyekto nito sa bayan ng Mobo ang pagtutulak ng pagtatayo ng coal plant ng DM Consunji Incorporated (DMCI) sa Bgy. Tugbo at ang pakikipagsabwatan sa mga malalaking dayuhan at lokal na kumpanya sa pagmimina tulad ng Geograce Mining Corporation at Filminera Mining Corporation. Mahigpit itong tinututulan at nilalabanan ng mamamayan dahil tanging ang mga dayuhang kumpanya at kasabwat na mga pulitiko lamang ang makikinabang sa pandarambong ng likas-yaman ng probinsya bukod pa sa napakasamang epektong ibubunga nito sa kapaligiran at sa buhay at kabuhayan ng mamamayan.

Lantaran din ang pambabatikos ni Mayor Castillo sa rebolusyonaryong kilusan dahil sa matatag at prinsipyadong paninindigan ng kilusan laban sa pandarambong at pangwawasak sa kapaligiran ng mga dayuhang kumpanya sa pagmimina at ang di-mababaling paninindigan nito na itaguyod at ipagtanggol lagi ang kapakanan ng masang inaapi at pinagsasamantalahan.

Higit pang inilantad ni Mayor Castillo ang reaksyunaryong paninindigan nito nang garapal na manawagan sa rebolusyonaryong kilusan na sumuko at makipagtulungan para sa “kapayapaan at kaunlaran”, bagay na ikinatuwa ng mga ahente sa saywar ng pasistang AFP at PNP. Ginamit ni Mayor Castillo ang kanyang kuneksyon at impluwensya upang ipusisyon ng PNP ang isang kumpanya ng Special Action Force (SAF) sa bayan ng Mobo at pagsilbihin ito sa kanyang personal na interes at proteksyon. Katuwang ng PNP-SAF ang lokal na pulisya ng Mobo sa pagsasagawa ng mga operasyon laban sa yunit ng BHB at sa pagtatayo ng network ng mga impormer upang tiktikan ang aktibidad ng mamamayan at ng mga rebolusyonaryong pwersa.

Inililinaw ng rebolusyonaryong kilusan na selektibo ang isinasagawa nitong aksyong militar at pangunahing tinatarget lamang ang mga lokal na reaksyunaryo at istasyon ng pulisya na nakikipagsabwatan sa dayuhang interes habang bulag at manhid sa kahilingan ng mamamayan, nagpapatupad ng mga kontra-mamamayang proyekto, at may mahaba at tuluy-tuloy na rekord ng marahas na paglaban sa rebolusyonaryong kilusan.

Hinihikayat ng Demokratikong Gubyernong Bayan ang mga tauhan ng lokal na pulisya na huwag magpapagamit sa kontra-mamamayang mga aktibidad at personal na interes ng kanilang Mayor, igalang ang mga karapatan ng mamamayan, itaguyod ang interes ng mamamayan katuwang ang matitinong sibilyang upisyal ng lokal na gubyerno, matapat na maglingkod sa mamamayan, at iwasang maging instrumento sa pagpapatupad ng kontra-rebolusyonaryong kampanyang Oplan Bayanihan (OPB).

Gregorio “Ka Greg” Bañares
Tagapagsalita ng NDF-Bicol

email: greg_banares@yahoo.com
ndfbicol@gmail.com

website:www.ndfbicol.wordpress.com
www.ndfbicol.multiply.com

twitter account: www.twitter.com/ndfbicol
facebook account: greg banares

Pahayag sa Media
Agosto 8, 2011

Taktikal na Opensiba: Sagot ng BHB sa Paninibasib ng Oplan Bayanihan
ng Rehimeng US-Aquino sa mga Albayanos

Sunud-sunod na taktikal na opensiba at pagpaparusa ang inilunsad ng BHB-SBC Albay laban sa tropa ng AFP at CAFGU sa probinsya. Ito ay bahagi ng pagpapatupad ng aktibong depensa ng Bagong Hukbong Bayan sa mga teritoryo nito laban sa paninibasib ng “mabangis na lobong” Oplan Bayanihan ng rehimeng Aquino. Pagtugon din ito sa kahilingin ng mga Albayanos na mabigyan ng katarungan ang mga paglabag sa kanilang karapatang tao at maparusahan ang mga berdugong militar at CAFGU na patuloy sa panghahalimaw sa kanila.

Agosto 7, bandang ala 1:30 ng hapon. Pinarusahan ng isang tim ng yunit gerilya si Salvador “Adong” Caῆeso, 23 taong gulang at residente ng Catumag, Guinobatan Albay. Si Salvador ay sinampahan ng kaso sa Hukumang Bayan at napatunayang aktibong ahenteng impormer ng Bravo Coy 22nd “Cadre” IB-PA na nakabase sa Brgy. Bonga, Ligao City. Masigasig si Salvador sa gawaing paniktik laban sa Rebolusyonaryong Kilusan at pagtaguyod sa mga sakyada ng militar sa kanilang lugar. Dagdag pang kaso ay ang attempted rape sa isang babae sa nasabing lugar
noong 2009 (sinadyang hindi banggitin ang pagkakakilanlan ng biktima para sa kanyang seguridad).

Agosto 8, bandang alas 8:30 ng umaga. Tinambangan ng isang tim ng yunit gerilya si Pfc. Leo Salcedo, sa boundary ng Brgy. Inarado at Alobo sakop ng bayan ng Daraga. Narekober kay Salcedo ang isang calibre .45 (Norinco Serial # 9066691) at 1 magasin w/ 9 live ammo. Si Pfc. Salcedo ay mula sa Charlie Coy ng 83rd IB-PA, na ngayon ay nakapakat sa Charlie Coy ng 2nd IB-PA na nakabase sa Brgy. San Ramon, Daraga Albay. Ang nasabing tropa ay nagsisilbi ring security ng itinatayong airport sa Brgy. Alobo, Daraga dahil sa nakabase nilang pwersa sa nasabing baryo kung saan kasabay si Pfc. Salcedo.

Si Pfc. Salcedo (23 anyos, at nakatira sa Brgy. Lourdez Village, San Jose, Pili, Camarines Sur), ay lehitimong target ng operasyong militar ng BHB dahil aktibo itong elemento ng Philipine Army. Naging regular na gawain ng Charlie Coy 2nd IB-PA na kinapapalooban ni Pfc. Salcedo ang masigasig na pananakot at panghaharas sa mga residenteng tumututol sa pagtatayo ng airport. Matatandaang malakas ang pagtutol ng mamamayan sa pagtatayo ng nasabing airport dahil sa malawakang dislokasyon at pagkawala ng kanilang mga sakahan na pangunahing pinagkukunan ng ikinabubuhay. Walang nagawa ang mga kawawang magsasaka sa pambabraso ng Sunwest Corporation, ang kumpanyang nakakuha ng kontrata sa pagtatayo ng airport, gamit ang tropa ng militar at SCAA.

Ilan pang mga taktikal na opensiba ng BHB sa Albay ngayong unang linggo ng Agosto:
• Agosto 1, alas 5 ng hapon. Pinutukan (haras) ng isang tim ng yunit gerilya ang tropa ng 2nd IB-PA na naglulunsad ng Community Peace and Development Operation o mas kilala bilang SOT sa barangay Bololo, Guinobatan Albay. Nagrereklamo ang taumbaryo sa presensya ng militar dahil sa mga paglabag sa karapatang-tao tulad ng sapilitang pagpapatawag sa kanila para imbestigahan, pagparatang na poste ng NPA, pagpapatayo ng BDS sentry na papaduty-han sa kanila, at pagbabase nito sa barangay hall ng nasabing baryo.
• Agosto 6, alas 10 ng gabi. Pinutukan ng isang tim ng yunit gerilya ang tropa ng 22nd IB-PA na nagsisilbing pwersang panseguridad ng isang kumpanya sa pagmimina na nag-oopereyt sa Nagas, Oas Albay.
• Agosto 7, alas 4 ng hapon. Naglunsad ng operasyong isnayp ang isang tim ng yunit gerilya sa tropa ng 2nd IB-PA sa Brgy. Malobago, Guinobatan. Ang tropa ng militar ay bahagi ng CPDT/SOT tulad ng mga nasa baryo ng Bololo, Malipo, Doῆa Mercedez, Sinungtan, Batbat, Cabalaon, Ongo, Pood, Balite at Palanas lahat sakop ng bayan ng Guinobatan , Albay.
• Agosto 7, alas 11 ng gabi. Pinutukan ng isang tim ng yunit gerilya ang Phil Army-CAFGU detatsment sa Brgy. Francia, Ligao City sa ilalim ng Bravo Coy 22nd Cadre IB-PA. Matagal na itong inirereklamo ng taumbaryo sa paligid ng kampo dahil sa paglaganap ng nakawan ng mga alagang hayop at pagpapaputok ng baril tuwing nalalasing ang mga militar.

Magpapatuloy ang BHB-SBC Albay sa tungkuling maglunsad ng mga Taktikal na Opensiba upang ipagtanggol ang mga natamong tagumpay ng Demokratikong Gubyernong Bayan. Mulat at determinado ang Rebolusyonaryong Kilusan sa paglaban sa anumang tipo ng mapanlinlang at mapanupil na kampanyang militar tulad ng Oplan Bayanihan. Ang BHB ay patuloy na nagtatamasa ng malawak na suporta ng mamamayang Albayanos. Walang dudang mabibigo natin ang Oplan Bayanihan ng rehimeng US-Aquino tulad ng nakaraang Oplan Bantay Laya ni GMA, dahil sa magkaparehong mukha ng dalawang OPLAN at iisang among imperyalista na nagdisenyo ng US Counter-Insurgency Guide of 2009.

Mabuhay ang Mamamayang Albayanos !
Biguin ang Oplan Bayanihan ng rehimeng US-Aquino !
Paigtingin ang Digmang Bayan !

Para sa Bayan,
Florante Orobia
Tagapagsalita
BHB-Albay

Pahayag sa Media
Agosto 4, 2011

Community Peace and Development Operation Team,
ang Balat-kayong Postura ng Special Operation Team
sa Ilalim ng Oplan Bayanihan ng Rehimeng US-Aquino

Nagpapakitang-gilas ang Armed Forces of the Philippines o AFP at rehimeng Aquino sa pagpapatupad ng Oplan Bayanihan (OPB). Ito ang panibagong planong kampanyang kontra-rebolusyonaryong digma ng AFP na ipinalit sa madugong Oplan Bantay Laya (OBL) ni Gloria Macapagal Arroyo.

Dito sa lalawigan ng Albay, simula noong Hulyo 21, ang mga barangay ng Batbat, Cabaluaon, Onggo, Pood, Balite, Palanas, Sinungtan, Bololo, Malipo, Malobago at Doña Mercedes sa bayan ng Guinobatan ay sinimulang lunsaran ng Community Peace and Development Operations Team (CPDT) o mas kilala bilang SOT.

Sa pagdating pa lamang ng mga militar, malaking abala agad ang dala nito sa mga taumbaryo. Malaking perwisyo sa kabuhayan at may mga paglabag sa karapatang-tao ang mga aktibidad at ipinag-uutos ng AFP:
1. Pagpatrabaho nang walang bayad. Ang taumbaryo ang nagdadala ng materyales na pambakod at sila pa ang magtatrabaho, at sila rin ang naghahawan sa mga pinalilinisan ng Army.

2. Perwisyo sa kabuhayan. Ang pag-reaktiba sa Barangay Defense System o BDS, at pagparonda o pagpa-duty sa kanila ay perwisyo sa hanapbuhay. Ang lahat ng may edad 15 anyos pataas, babae at lalake ay pinagbabantay sa loob ng 24 oras, habang ang mga militar ay payapang natutulog sa gabi, at umiinom o nagsusugal sa araw. Nagiging talamak din ang pagsusugal at pag-iinom sa mga “kubo-kubo” o sentrypoint ng BDS.

3. Pamamayani ng takot at panggigipit sa taumbaryo. Tuwing may militarisasyon nalilimitahan ang aktibidad ng taumbaryo tulad ng pangangahoy, pagpasto, pagpunta sa kanilang bukirin at maging ang pagpunta sa tindahan tuwing gabi dahil sa takot na mapag-initan ng mga militar.
• Halimbawa ang kaso ni Salvador Nora ng sityo Bantunan, Brgy. Palanas, Guinobatan na binalot ng plastic bag sa ulo, habang binubugbog at ini-interoga ng mga militar matapos ang labanan ng militar at yunit ng BHB sa nasabing lugar.
• Naglulunsad rin ng sariling census ang CPDT sa pamamagitan ng pagbabahay-bahay nang tumangging sumama sa kanila ang mga upisyal ng baryo. Ang hindi matagpuan sa pagbabahay-bahay ay pinaghihinalaang NPA o poste ng NPA, at tinatakot o kaya’y pinagbabantaan na kapag hindi mag-report sa kanila ay ililista sa Order of Battle.
• Noong 2008, sa paglulunsad nila ng SOT, may isang kaso ng pagpapakamatay ng isang sibilyan dahil sa pambubugbog ng militar at sobrang presyur. Naging biktima nito si Agustin David ng Brgy. Cabaluaon, Guinobatan. Hindi nakapagsampa ng kaso ang pamilya nito laban sa pambubugbog ng militar dahil natakot sa pagbabanta ni Cpl. Bustarga, ang mismong nambugbog.

4. Paglabag sa mga demokratikong karapatan. Noong Hunyo 25, ipinatawag ang mga Barangay Officials sa bayan ng Guinobatan para talakayin ang OPB. Sa kanilang pagpupulong sinabi ni 1st Lt. Rolito Basibas, ang Commanding Officer ng “Alpha Coy” ng 2nd IB-PA, na ang mga dumadalo sa rali ay inuutusan ng BHB na sumama, at pinagsabihan ang mga ito na pagbawalan ang taumbaryo na lumahok sa ganitong mga aktibidad. Ang ganitong mga pahayag ay nagpapakita ng kawalang-pagkilala ng AFP sa demokratikong karapatan ng mamamayan para magtipun-tipon at magpahayag.

5. Patuloy na paglabag sa mga batas ng digma kaugnay sa paggamit ng mga pampublikong pasilidad at matataong lugar sa pagbabase ng mga militar.
• Nailalagay sa panganib ang kaligtasan ng mamamayan sa pagbabase ng CPDT sa mga barangay hall at eskwelahan tulad ng ginagawa nito sa Brgy. Batbat, Cabaluaon, Bololo at iba pang baryo.
• Sa ilan namang lugar tulad ng Brgy. Malipo, nakabase ang CPDT sa gitna ng mga kabahayan ng taumbaryo.
• Ang ilang mga bata naman mula sa Brgy. Onggo ay isinasama ng militar sa pagpapatrulya papunta sa katabing baryo ng Sinungtan upang gawing panangga, upang sila’y hindi atakehin ng yunit ng BHB.

Noong Hulyo 26, binayo ng malakas na ulan at hangin ang lalawigan ng Albay dahil sa bagyong Juaning, malaki ang naging pinsala sa mga pananim at alagang hayop ng mga magsasaka, may ilan ding nasiraan ng bahay dahil sa bagyo. Sa halip na itigil ng CPDT ang mapamerwisyong aktibidad at umalis sa baryo, ay nagpatuloy pa rin ang pagsi-census at pagpapatawag ng mga militar sa taumbaryo.

Hindi totoong layunin ng AFP ang paggalang sa karapatang-tao, pagpapatupad ng kapayapaan at pagpapaunlad sa kabuhayan ng mamamayan. Dinisenyo ng rehimeng Aquino ang OPB alinsunod sa US-Counter Insurgency Guide of 2009 upang umayon sa kagustuhan ng among imperyalista. Tulad ng OBL, ang OPB ay nakapokus sa mapanlinlang at madugong pamamaraan ng Triad Operation (combat, intelligence at civil military operation o CMO), papatampukin ang CMO upang gamitin sa psyops. Ginagamit lamang ang mga mapanlinlang na programa sa ilalim ng CMO upang ilihis ang mamamayan.

Sa Community Peace and Development Operations Team, ginagamit ang CMO bilang panabing sa pagpapatuloy na pagdukot, pag-tortyur, pagpatay at iba pang paglabag sa karapatang-tao at upang maibwelo ang intel at combat operations.

Sa ilalim ng CMO magpapanggap ang AFP bilang tagapagtaguyod ng karapatang-tao, tagahatid ng serbisyong sosyal at tagapagpatupad umano ng mga proyektong pangkabuhayan (socio-economic projects). Sa ganitong konsepto, inililipat ng mga sibilyang ahensya ng pamahalaan ang tungkulin nito sa paghahatid ng serbisyong panlipunan sa mapamwersang organisasyon ng AFP. Ang maskarang tupa ng OPB ay unti-unting nahuhubad, at nalalantad ang totoong hitsura nito bilang mabangis na lobo.

Hindi kaunlaran at kapayapaan ang hatid ng Oplan Bayanihan ng rehimeng US-Aquino, tulad ng pinalitan nitong Oplan Bantay Laya ni GMA, ito’y marahas at matinding pagsupil sa karapatan ng mamamayan. Ang BHB ay magpapatupad ng aktibong depensa sa mga teritoryo nito at patuloy na ipagtatanggol ang mga demokratikong kahilingan at karapatan ng mamamayan. Tiyak na mabibigo ang rehimeng US-Aquino na durugin ang rebolusyonaryong kilusan at hadlangan ang determinadong paglaban ng mamamayan upang itaas ang antas ng digma at ipagtagumpay ang bagong demokratikong rebolusyon.

Mabuhay ang Albayanos !
Labanan ang Oplan Bayanihan ng rehimeng US-Aquino !
Paigtingin ang Digmang Bayan !

Para sa Bayan,
Florante Orobia
Tagapagsalita

Pahayag sa Media
Agosto 3, 2011

Filminera Mining Corporation sa Masbate Muling Pinarusahan ng BHB

Ipinatupad ng Bagong Hukbong Bayan sa Masbate ang pamamarusa sa Filminera Mining Corporation dahil sa malulubhang krimen sa mamamayan tulad ng malawakang pagsira ng kalikasan, pandarambong sa likas-yaman ng probinsya, at pamamaslang at pandarahas sa mga maliliit na minero at mga residente ng lugar kasabwat ang mga tropa ng 9th Infantry Division Philippine Army (9th IDPA) at Philippine National Police (PNP).

Ayon sa Jose Rapsing Command ng BHB-Masbate matagumpay ang isinagawang pamamarusa ng isang ispesyal na yunit ng BHB noong Agosto 1, 2011 sa pamamagitan ng pagpasabog ng imbakan ng tubig na ginagamit ng kumpanya sa pagpoproseso ng ginto upang paralisahin at patigilin ang operasyon nito. Ikalawang hakbang pamarusa ito ng BHB laban sa Filminera Mining Corporation mula nang salakayin at sunugin ito ng BHB noong Abril 2007.

Dahil sa mahigpit na suporta ng mamamayan naisakatuparan ng BHB ang hakbang pamarusa sa kabila ng mahigpit na pagbabantay ng 200 na armadong tauhang sinanay ng AFP na tinatawag na Special Civilian Active Auxiliary (SCAA), isang platun ng CAFGU-Army ng 22nd IBPA na nagbabantay sa loob ng minahan, at isang kumpanya ng 9th Infantry Battalion na nakabase malapit sa lugar ng minahan.

Isang mariing sampal sa kontra-rebolusyonaryong kampanyang Oplan Bayanihan (OPB) ng rehimeng US-Aquino at AFP ang pamamarusa sa Filminera Mining Corporation dahil tuwirang naglilingkod sa interes ng mga dayuhang kumpanya sa pagmimina ang paninibasib ng mapanlinlang na civil-military operations (CMO) at pandarahas ng 9th IDPA laban sa mamamayan ng Masbate na determinadong lumalaban sa operasyon ng Filminera. Ang mga probinsya ng Masbate at Camarines Norte kung saan nakaamba ang malalaking operasyon ng dayuhang pagmimina ang tinutukoy ni Maj. Gen. Josue Gaverza ng 9th IDPA na prayoridad ng kanilang Oplan Bayanihan sa rehiyon.

Ito ay nararapat at makatarungang tugon ng BHB sa matagal nang kahilingan at maigting na pakikibaka ng mamamayan upang palayasin ang mga mapaminsalang pagmimina sa bansa at wakasan ang liberalisasyon ng industriya ng pagmimina ng papet na rehimeng Aquino na ibayong nagbubukas ng natitirang likas-yaman ng bansa para sa higit pang pandarambong ng mga dayuhang kumpanya sa pagmimina at masisibang lokal na mga naghaharing uri.

Sa halos isandaang taong kasaysayan ng dayuhang pagmimina sa Masbate at sa ibang panig ng bansa, walang tunay at pangmatagalang kaunlaran at pakinabang na nakuha ang mamamayan. Bagkus ay nagbunga lamang ito ng pangmatagalang pagwasak ng kapaligiran, ng malalaking mga pagbaha at pagguho ng lupa, pag-ubos ng natitirang likas-yaman na dapat ay pakinabangan ng susunod na henerasyon ng mamamayan, pagkalason ng mga pinagkukunang tubig para sa araw-araw na gamit at para sa agrikultura, pagkasira ng buhay at kabuhayan, at dislokasyon ng mamamayan.

Mahigpit na magtutulungan ang rebolusyonaryong kilusan ng mamamayan sa rehiyon at lahat ng mga progresibong grupo at sektor, mga grupong nagtatanggol sa kalikasan, at mga nagtataguyod ng tunay na kaunlaran na nakatuntong sa tunay na reporma sa lupa at makabayang industriyalisasyon upang ilantad at labanan ang pandarambong sa likas-yaman ng bansa ng mga dayuhang kumpanya ng pagmimina at tuluy-tuloy na itong palayasin sa ating rehiyon at sa buong bansa.

Gregorio “Ka Greg” Bañares
Tagapagsalita ng NDF-Bicol

Reference Mobile Numbers: 09183458061/09283893909
email: greg_banares@yahoo.com/
gb_ndfbicol@yahoo.com

website: www.ndfbicol.wordpress.com
twitter account: www.twitter.com/ndfbicol
facebook account: greg banares

Engkwentro sa Palanas Guinobatan, Albay

Bandang alas 9:50 ng umaga, Hunyo 15, 2011 napa-engkwentro ang naglalakad na team ng BHB sa hindi bababa sa 20 elemento ng 2nd IB – Philippine Army na nakahimpil sa isang bahay sa sitio Bantonan, Palanas Guinobatan Albay. Nasa proseso ng pagmamaniobra ang mga kasama dahil sa ilinunsad na strike operation ng tatlong kolum ng militar sa nasabing lugar, ngunit nadaanan nila ang isang kolum ng militar na nagtatago sa bahay ni Salvador Nora kaya nagkaroon ng labanan. Umabot sa 15 minutos ang palitan ng putok.
Sa unang bugso ng putok, tatlo kaagad ang namatay sa panig ng 2nd IB-PA. Kitang kita ng kasama ang pagbulagta ng tatlong elemento ng militar dahil halos pitong metro lamang ang kanilang pagitan. Pinatunayan din ito ng mga masa na nakakita at kinatulong ng militar upang ilabas ang mga bangkay mula sa encounter site. Gumamit din ang militar ng dalawang magkahiwalay na ruta sa paglabas ng kanilang casualties upang itago ang pangyayari.

Ang isang patay at isang sugatan na Cafgu (Roberto Olejena at a certain Medallada) ay idinaan sa bahaging Gumian ng Guinobatan at ang dalawa pang patay na elemento ng Phil Army ay idinaan sa Quinartilan, Camalig Albay. Kinumpirma rin ng mga puneraryang pinagdalhan ng mga bangkay ang nasabing bilang. Tatlong araw matapos ang labanan may isa pang nangangamoy na bangkay ng elemento ng Phil Army ang nakuha sa may ilog malapit sa encounter site, tinamaan ito sa labanan at napahiwalay sa kanilang tropa. Kaya apat ang kabuuang bilang ng namatay sa panig ng militar at isang Cafgu ang sugatan. Pilit na itinatago ng militar ang mga nasawi sa kanilang hanay at pinalabas sa media na isang CAFGU lamang ang namatay, at may isang nasugatan.

Isang Pulang Mandirigma ang namartir sa labanan. Si Kasamang Joel Acabado (Ka Reming) ay tinamaan sa paa kaya nahirapan itong imaniobra ang sarili. Sinikap ng mga kasama na kunin si Ka Reming upang mailayo sa encounter site, at upang lapatan agad ng paunang lunas, ngunit nahirapan dahil siya ay nasa alanganing pusisyon at pinupokusan ng putok ng militar.
Natagpuang buhay si Ka Reming ng mga militar, subalit binaril ito ng malapitan hanggang mamatay. Hindi iginalang ng reaksyunaryong militar ang karapatan ni Ka Reming sa ilalim ng mga batas sa digmaan (tulad ng CARHIHL) bilang hors de combat na wala nang kakayahang lumaban. Sa ilalim ng batas ng digma, tungkulin ng magkabilang panig na gamutin o bigyan ng paunang lunas ang sinumang sugatan at wala nang kakayahang lumaban.

Taliwas sa kasinungalingan ni Col. Arthur Ang ng 2nd IB – PA, ang bawat iskwad ng BHB ay may Medical Officer o MO na nagtreyning sa gawaing medikal. Katunayan, regular ang paglulunsad ng mga medical at dental mission ng bawat yunit ng BHB sa kani-kanilang kinikilusang lugar. Binibigyan ng libreng serbisyong medikal ang mamamayan, na madalang makakita ng doktor at makahingi ng libreng gamot sa mga health center dahil sa kapabayaan ng reaksyunaryong gobyerno.

Matapos ang encounter, tinambakan ng tropa ng 2nd IB–PA ang Brgy. Palanas at mga kalapit baryo para umano maglunsad ng pursuit operation laban sa BHB, subalit ang mga sibilyan sa sitio Bantonan ang pinagbuntunan nito ng galit.
Sapilitang hinalughog ang ilang kabahayan, hinaras at may ilang binugbog. Si Salvador Nora ay binusalan ng tela sa bibig habang binalot ng plastic sa ulo, at binubogbog sa bawat tanong at pagpapaamin na ginawa ng militar. Sapilitang ipinaamin kay Salvador Nora (59 taong gulang na magsasaka) na siya ang gumawa at nagmamay-ari ng Command Detonated Explosive na nakuha ng militar.
Binugbog din si Catalino Pajarillo (53 taong gulang na magsasaka) at sapilitang ipinaamin ang pagmamay-ari sa kalibre .38 rebolber. Sapilitang hinalughog ang bahay nina Marites Opeńa, Salvador Nora at Catalino Pajarillo.

Patuloy na nalalantad ang maskara ng Oplan Bayanihan ng rehimeng US-Aquino bilang mabangis na lobo na nagpapangap na maamong tupa. Ipinagmamayabang na iginagalang ang karapatang pantao, itataguyod ang kaunlaran at kapayapaan at kung anu-ano pang kasinungalingan, subalit taliwas sa tunay nilang gawain.

Ang Oplan Bayanihan ng rehimeng Aquino ay walang pinag-iba sa Oplan Bantay Laya ng rehimeng Arroyo. Pinag-iibayo lamang ng Oplan Bayanihan ang mga pakitang-taong proyekto, sistematikong kasinungalingan at pagpapanggap na tagapagtaguyod ng karapatang pantao upang magsilbi sa kanilang psywar operation o psyops.

Mariing kinukundena ng SBC-BHB ang tahasang paglabag ng pasistang tropa ng rehimeng US-Aquino sa mga karapatang tao ng mga sibilyan, at ng mga kalahok sa digmaan na wala-nang kakayahang-lumaban (hors de combat). Kinukundena rin ang sistematikong pag-iimbento ng kasinungalingan ng mga tagapagsalita ng AFP at PNP upang maglabas ng mga dis-impormasyon at psywar laban sa rebolusyonaryong kilusan at mamamayan.

Pinararangalan ng rebolusyonaryong kilusan at ng mga masang pinagsilbihan ang kabayanihan ni Ka Reming. Sa mahabang panahon ay inialay ni Ka Reming ang kanyang kaalaman, pawis at dugo upang itaguyod ang interes ng malawak na masa ng sambayanan. Nakikiisa ang rebolusyonaryong kilusan sa pagdadalamhati ng pamilya, mga kaibigan at nakasama ni Ka Reming.
Nananawagan ang SBC-BHB sa mamamayan upang ilantad, labanan at biguin ang marahas na kampanyang Oplan Bayanihan ng rehimeng US-Aquino at isulong ang digmang bayan sa bago at mataas na antas.

Mabuhay ang Sambayanang Pilipino!
Mabuhay ang Rebolusyonaryong Kilusan!
Mabuhay ang CPP-NPA-NDF!

Para sa Bayan,
Florante Orobia
Tagapagsalita